Deildakeppni BS═ - ni­urr÷­un og upplřsingar

Deildakeppni BSÍ fer fram dagana 13. - 15. febrúar næstkomandi. Mótið er Íslandsmót félagsliða í badminton þar sem keppt er í þremur deildum: Meistaradeild, A-deild og B-deild. Búið er að draga í mótið og má nálgast niðurröðun með því að smella hér.

Alls hafa 17 lið skráð sig til keppni í Deildakeppnina 2015 frá sex félögum, Aftureldingu, BH, Hamri, ÍA, TBR og einu gestaliði frá Noregi, SABK. Í fyrra tóku 18 lið þátt og árið þar á undan 20 þannig að aðeins færri lið eru skráð til keppni í ár en undanfarin ár.

Fyrirkomulagið í meistaradeild er þannig að fjögur lið keppa í riðli, allir við alla. Sigurliðið er Íslandsmeistari og félagiið tryggir sér þátttökurétt í Evrópukeppni félagsliða.

Í A-deildi eru skráð til keppni sex lið sem keppa í einum riðli, allir við alla.

Alls eru sjö lið skráð til keppni í B-deild. Keppnisfyrirkomulag eru tveir riðlar. Efstu tvö liðin í hvorum riðli keppa í útsláttarkeppni um 1. - 4. sætið. Liðin sem lenda í þriðja og fjórða sæti í riðlunum spila í riðli um 5. -7. sæti. Spilað er um öll sætin í deildinni.

Keppni hefst á föstudegi klukkan 18:00 í B-deild og svo taka við leikir í A-deild klukkan 20. Keppni í B-deild heldur áfram klukkan 9:00 á laugardag. Keppni í meistaradeild hefst á laugardaginn klukkan 11. Fyrirliðar þurfa að skila inn liðsuppstillingum til mótsstjórnar eigi síðar en klukkan 17:30 fyrir fyrstu umferð og síðan eigi síðar en hálftíma fyrir hverja umferð. Lið sem hefja umferð að morgni eiga að skila inn liðsuppstillingablöðum kvöldinu fyrir umferðina.

Lið Deildakeppninnar 2015 sjá sjálf um að telja eða útvega teljara á sína leiki.

Yfirdómari mótsins er Jóhanna Emilsdóttir og mótsstjóri er Sigríður Bjarnadóttir. Aðrir í mótsstjórn eru Margrét Gunnarsdóttir og Róbert Henn auk stjórnarmanna stjórnar BSÍ.

Niðurrröðun er birt með fyrirvara um villur. Mótsstjórn áskilur sér rétt til að gera lagfæringar ef þurfa þykir.
Smellið hér til að skoða reglur um Deildakeppni BSÍ, leikjafyrirkomulag og nánari upplýsingar.

Skrifa­ 12. febr˙ar, 2015
mg