Br°ndby Strand spilar um a­ komast Ý ■ri­ju deild

Brøndby Strand, lið Magnúsar Inga Helgasonar í Danmerkurseríunni, tapaði leik sínum gegn Herlev Badminton um helgina 4-9. Þetta var síðasti leikur liðsins í grunnspili Danmerkurseríunnar.

Magnús lék annan einliðaleik og annan tvíliðaleik karla fyrir lið sitt. Einliðaleikinn lék hann gegn Nicklas Laursen og tapaði 15-21 og 16-21. Tvíliðaleikinn lék hann með Frank Johannsen og þeir unnu Andreas Juhl og Nicklas Laursen 21-16 og 21-12.

Liðsmenn Brøndby Strand unnu einnig báða tvenndarleikina og þriðja tvíliðaleik karla.

Smellið hér til að sjá fleiri úrslit í viðureign Brøndby Strand og Herlev Badminton.

Eftir þessa síðustu umferð grunnspilsins endaði Brøndby Strand í fjórða sæti riðilsins í Danmerkurseríunni en liðið spilar í öðrum riðli austurdeildarinnar en spilað er í fjórum riðlum í austri og fjórum í vestri. Smellið hér til að sjá stöðuna í riðlinum.

Þetta var síðasti leikur Brøndby Strand í grunnspilinu. á árinu en liðið fer nú í umspil um hvaða lið komast í þriðju deild. Fyrsta viðureign í umspilinu er laugardaginn 31. janúar gegn KBK Kbh. 2.

Skrifa­ 14. jan˙ar, 2015
mg