Algjört met í ţátttöku á Iceland International 2015

Skráningu á alþjóðlega mótið Iceland International 2015 lauk á Þorláksmessu.Mótið er hluti af RIG, Reykjavik International Games annað árið í röð.

 

Iceland International lógó 2015

 

Algjört met er í þátttöku en alls hafa 107 erlendir keppendur skráð sig til þátttöku í mótinu. Í fyrra tóku 72 erlendir keppendur þátt sem var þá met en flestir en þar áður var metið 58 erlendir keppendur. Þetta er stigvaxandi aukning erlendra keppenda frá árinu 2011 en þá tóku 23 erlendir keppendur þátt.

Keppendurnir koma frá 24 þjóðlöndum auk Íslandi; Austurríki, Danmörku, Englandi, Eistlandi, Finnlandi, Hollandi, Indlandi, Ísrael, Lettlandi, Litháen, Mexikó, Nígeríu, Noregi, Nýja Sjálandi, Skotlandi, Spáni, Suður Afríku, Sviss, Svíþjóð, Tékklandi, Tyrklandi, Ungverjalandi, Úganda og Wales. Keppendur frá Íslandi eru 40 talsins.

70 keppendur eru skráðir í einliðaleik karla, 42 í einliðaleik kvenna, 27 pör í tvíliðaleik karla, 17 pör í tvíliðaleik kvenna og 23 pör í tvenndarleik.

Forkeppni verður í einliðaleik karla en enginn íslenskur keppandi kemst beint í aðalkeppnina. 44 keppendur taka þátt í forkeppninni og keppa um sex sæti í aðalkeppninni. Í einliðaleik kvenna verður einnig forkeppni en í henni taka þátt 14 keppendur sem keppast um fjögur sæti inn í aðalkeppnina. Margrét Jóhannsdóttir og Sara Högnadóttir eru einu íslensku keppendurnir sem fara beint inn í aðalkeppnina. Þetta er í fyrsta skipti sem forkeppni er í einliðaleik kvenna á mótinu.

Heimslistinn 26. desember ákvað hvaða keppendum er raðað og hverjir fara í forkeppni og hverjir beint í aðalkeppnina.

Smellið hér til að sjá lista yfir keppendur á mótinu sem fer fram 22. - 25. janúar næstkomandi í TBR húsunum við Gnoðarvog.

Dregið verður í mótið viku áður en það hefst. Badminton Europe sér um að draga í mótið.

Yfirdómari mótsins er Aengus Sheerin frá Írlandi.

RÚV mun sýna úrslitaleiki mótsins sunnudaginn 25. janúar.

Skrifađ 30. desember, 2014
mg