Brøndby Strand áfram í fjórða sæti riðilsins

Brøndby Strand, lið Magnúsar Inga Helgasonar í Danmerkurseríunni, tapaði leik sínum gegn Holbæk 3 um helgina 6-7.

Magnús lék fyrsta einliðaleik og annan tvíliðaleik karla fyrir lið sitt. Einliðaleikinn lék hann gegn Anders Rasmussen og tapaði eftir oddalotu 15-21, 21-14 og 18-21. Tvíliðaleikinn lék hann með Frank Johannsen og þeir unnu Mikkel Kaiser og Jakob Lindquist 21-11 og 21-17.

Liðsmenn Brøndby Strand unnu einnig fyrri tvenndarleikinn, annan og fjórða einliðaleik karla og alla tvíliðaleiki karla.

Smellið hér til að sjá fleiri úrslit í viðureign Brøndby Strand og Holbæk 3.

Eftir þessa sjöttu umferð er Brøndby Strand áfram í fjórða sæti riðilsins í Danmerkurseríunni en liðið spilar í öðrum riðli austurdeildarinnar en spilað er í fjórum riðlum í austri og fjórum í vestri. Smellið hér til að sjá stöðuna í riðlinum.

Þetta var síðasti leikur Brøndby Strand á árinu en næsta viðureign er laugardaginn 10. janúar gegn Herlev Badminton.

Skrifað 8. desember, 2014
mg