Taastrup Elite vermir enn botninn

Taastrup Elite, lið Drífu Harðardóttur í dönsku annarri deildinni, keppti gegn Greve 2 á laugardaginn og tapaði 3-10.

Drífa lék annan tvenndarleik og annan tvíliðaleik kvenna fyrir lið sitt. Tvenndarleikinn lék hún með Bertil Lynggaard Sørensen gegn Lasse Damm og Ditte Søby Hansen. Drífa og Sørensen töpuðu 19-21 og 13-21. Tvíliðaleikinn lék hún með Katrine M. Hansen og þær unnu Amalie Hertz Hansen og Ditte Søby Hansen eftir oddalotu 21-15, 11-21 og 21-14. Liðsmenn Taastrup Elite unnu einnig fyrsta og þriðja tvíliðaleik karla.

Smellið hér til að sjá fleiri úrslit Taastrup Elite og Greve 2.

Eftir þessa fimmtu umferð er Taastrup Elite enn í áttunda og neðsta sæti annars riðils annarrar deildar með engan leik unninn en spilað er í tveimur riðlum í deildinni. Smellið hér til að sjá stöðuna í riðlinum.

Næsti leikur Taastrup Elite er laugardaginn 6. desember gegn Gentofte 2.

Skrifað 16. nóvember, 2014
mg