VŠrl°se 3 tapa­u naumlega fyrir Skovshoved 2

Værløse 3, lið Tinnu Helgadóttur í dönsku annarri deildinni, keppti gegn Skovshoved 2 á laugardaginn og tapaði naumlega 6-7.

Tinna lék fyrsta tvenndarleik og fyrsta tvíliðaleik kvenna fyrir lið sitt. Tvenndarleikinn lék hún með Kasper Paulsen gegn Stefan Andersen og Julie Ryttov. Tinna og Paulsen unnu 21-16 og 21-16. Tvíliðaleikinn lék hún með Josephine Van Zaane og þær unnu Julie Ryttov og Sophie Kampmann 21-19 og 21-18. Liðsmenn Værløse 3 unnu einnig annan einliðaleik kvenna, þriðja einliðaleik karla, annan tvíliðaleik kvenna og þriðja tvíliðaleik karla.

Smellið hér til að sjá fleiri úrslit Værløse 3 og Skovshoved 2.

Eftir þessa fjórðu umferð er Værløse 3 í fjórða sæti annars riðils annarrar deildar en spilað er í tveimur riðlum í deildinni. Smellið hér til að sjá stöðuna í riðlinum.

Næsti leikur Værløse 3 er laugardaginn 15. nóvember gegn Holbæk.

Skrifa­ 29. oktober, 2014
mg