Úrslit Vetrarmóts TBR

Vetrarmót TBR var haldið um helgina. Keppt var í öllum greinum í aldursflokkum U13 til U19. Mótið var hluti af Dominos unglingamótaröð Badmintonsambands Íslands og gaf stig á styrkleikalista.

Í flokki U13 vann Gústav Nilsson TBR Baldur Einarsson TBR í úrslitum 21-10 og 21-11 í einliðaleik hnokka. Katrín Vala Einarsdóttir BH vann Júlíönu Karitas Jóhannsdóttur TBR í úrslitum 21-12 og 21-17 í einliðaleik táta. Í tvíliðaleik hnokka unnu Gústav Nilsson og Stefán Árni Arnarson TBR þá Baldur Einarsson og Guðmund Hermann Lárusson TBR í úrslitum 21-10 og 21-17. Tvílitaleik táka unnu Anna Alexandra Petersen og Sara Júlíusdóttir TBR en þær unnu í úrslitum Karen Guðmundsdóttur og Katrínu völu Einarsdóttur BH 21-11 og 21-11. Í tvenndarleik unnu Gústav Nilsson og Lív Karlsdóttir TBR en þau unnu í úrslitum Steinór Emil Svavarsson og Katrínu Völu Einarsdóttur BH eftir oddalotu 19-21, 21-14 og 21-18. Gústav vann þrefalt á mótinu.

Í flokki U15 vann Andri Snær Axelsson ÍA Daníel Ísak Steinarsson TBR en útslitin í einliðaleik sveina réðust eftir oddalotu 21-15, 16-21 og 21-18. Andrea Nilsdóttir TBR vann í einliðaleik meyja í úrslitum Þórunni Eylands TBR 21-13 og 21-14. Í tvíliðaleik sveina unnu Bjarni Þór Sverrisson og Eysteinn Högnason TBR en þeir unnu í úrslitum Andra Broddason og Daníel Ísak Steinarsson eftir oddalotu 19-21, 21-18 og 21-11. Í tvíliðaleik meyja unnu Andrea Nilsdóttir og Erna Katrín Pétursdóttir TBR þær Hörpu Kristnýju Sturlaugsdóttur ÍA og Ingibjörgu Rósu Jónsdóttur UMFS 21-9 og 23-10. Í tvenndarleik unnu Einar Sverrisson og Þórunn Eylands TBR Daníel Ísak Steinarsson BH og Andreu Nilsdóttur TBR 21-10 og 22-20.

Í flokki U17 vann Haukur Gylfi Gíslason Samherjum en hann vann í úrslitum Andra Árnason TBR eftir oddalotu 14-21, 22-20 og 21-17 í einliðaleik drengja. Margrét Dís Stefánsdóttir TBR vann í úrslitum í einliðaleik telpna Eyrúnu Björgu Guðjónsdóttur BH eftir æsispennandi oddalotu 21-13, 16-21 og 25-23. Í tvíliðaleik drengja unnu Andri Árnason TBR og Steinar Bragi Gunnarsson ÍA Elvar Má Sturlaugsson ÍA og Hauk Gylfa Gíslason Samherjum eftir oddalotu 21-11, 20-22 og 21-12. Í tvíliðaleik telpna unnu Margrét Dís Stefánsdóttir og Þórunn Eylands TBR þær Aldísi Lind Benediktsdóttur og Úlfheiði Emblu Ásgeirsdóttur ÍA 21-8 og 21-7. Í tvenndarleik unnu Andri Árnason og Margrét Dís Stefánsdóttir en þau unnu í úrslitum Símon Orra Jóhannsson og Úlfheiði Emblu Ásgeirsdóttur ÍA 21-12 og 21-10.

Í flokki U19 vann Kristófer Darri Finnsson TBR í úrslitum Pálma Guðfinnsson 21-14 og 22-20 í einliðaleik pilta. Harpa Hilmisdóttir TBR vann Örnu Karen Jóhannsdóttur TBR 21-14 og 21-16 í einliðaleik stúlkna. Í tvíliðaleik pilta unnu Davíð Bjarni Björnsson og Kristófer Darri Finnsson TBR í úrslitum þá Davíð Phuong og Vigni Haraldsson TBR 21-14 og 21-15. Í tvíliðaleik stúlkna unnu Arna Karen Jóhannsdóttir og Margrét Nilsdóttir Hörpu Hilmisdóttur og Línu Dóru Hannesdóttur TBR 21-16 og 21-18. Í tvenndarleik unnu Kristófer Darri Finnsson og Margrét Nilsdóttir TBR Davíð Bjarna Björnsson og Hörpu Hilmisdóttur TBR 21-16 og 21-14. Kristófer Darri Finnsson vann þrefalt á þessu móti.

Smellið hér til að sjá fleiri úrslit á Unglingamóti TBR.

Næsta mót á Dominos unglingamótaröð BSÍ verður Unglingamót Aftureldingar 22. - 23. nóvember næstkomandi.

Skrifađ 27. oktober, 2014
mg