Br°ndby Strand bar sigur ˙r bÝtum

Brøndby Strand, lið Magnúsar Inga Helgasonar í Danmerkurseríunni, vann leik sinn gegn Drive Kbh. 3 um helgina 7-6.

Magnús lék fyrsta einliðaleik og annan tvíliðaleik karla fyrir lið sitt. Einliðaleikinn lék hann gegn Mads Toftgaard Nielsen og tapaði 19-21 og 16-21. Tvíliðaleikinn lék hann með Frank Johannsen og þeir unnu Bjørn Larsen og Mads Nerup Nielsen 21-17 og 21-13. Liðsmenn Brøndby Strand unnu einnig fyrsta tvenndarleik, annan og þriðja einliðaleiki karla, annan tvíliðaleik kvenna auk þess að vinna fyrsta og þriðja tvíliðaleik karla.

Smellið hér til að sjá fleiri úrslit í viðureign Brøndby Strand og Drive Kbh. 3.

Eftir þessa þriðju umferð fer Brøndby Strand upp um eitt sæti og er nú í þriðja sæti riðilsins í Danmerkurseríunni en liðið spilar í öðrum riðli austurdeildarinnar en spilað er í fjórum riðlum í austri og fjórum í vestri. Smellið hér til að sjá stöðuna í riðlinum.

Næsta viðureign Brøndby Strand er laugardaginn 25. október gegn Skælskør.

Skrifa­ 6. oktober, 2014
mg