Taastrup Elite 2 vann Gribskov Badminton 7-6

Taastrup Elite 2, lið Ragnars Harðarsonar í Sjálandsseríunni í Danmörku, keppti annan leik sinn gegn Gribskov Badminton og vann 7-6.

Ragnar lék tvær viðureignir fyrir lið sitt, fjórða einliðaleik og þriðja tvíliðaleik karla. Einliðaleikinn lék hann gegn Jesper Nielsen og vann eftir oddalotu 15-21, 21-18 og 21-13. Tvíliðaleikinn lék hann með Jonas Svennevig gegn Jacob Buch og Jesper Nielsen. Ragnar og Svennevig unnu 21-18 og 22-20. Liðsmenn Taastrup Elite 2 unnu alla einliðaleiki karla, annan einliðaleik kvenna og fyrsta tvíliðaleik karla.

Smellið hér til að sjá fleiri úrslit viðureignar Taastrup Elite 2 og Gribskov Badminton.

Eftir þessa aðra umferð er Taastrup Elite 2 í öðru sæti riðilsins en Sjálandsserían er spiluð í tveimur riðlum. Smellið hér til að sjá stöðuna í riðlinum.

Næsti leikur Taastrup Elite 2 er laugardaginn 4. október gegn Ledøje-Smørum.

Skrifađ 1. oktober, 2014
mg