Br°ndby Strand tapa­i fyrsta leiknum ß tÝmabilinu

Keppnistímabilið í dönsku deildinni hófst um helgina. Brøndby Strand, lið Magnúsar Inga Helgasonar í Danmerkurseríunni, tapaði leik sínum gegn Amager ABC naumlega 6-7 í fyrstu viðureign sinni.

Magnús lék fyrsta einliðaleik og annan tvíliðaleik karla fyrir lið sitt. Einliðaleikinn lék hann gegn Peter Thorberg og vann eftir oddalotu 18-21, 21-19 og 21-19. Tvíliðaleikinn lék hann með Frank Johannsen og þeir unnu Peter Thorberg og Mika Koskenneva 21-12 og 21-17. Liðsmenn Brøndby Strand unnu einnig annan einliðaleik kvenna, annan og fjórða einliðaleik karla og þriðja tvíliðaleik karla.

Smellið hér til að sjá fleiri úrslit í viðureign Brøndby Strand og Amager ABC.

Eftir þessa fyrstu umferð er Brøndby Strand í fimmta sæti riðilsins í Danmerkurseríunni en liðið spilar í öðrum riðli austurdeildarinnar en spilað er í fjórum riðlum í austri og fjórum í vestri. Smellið hér til að sjá stöðuna í riðlinum.

Næsta viðureign Brøndby Strand er laugardaginn 20. september gegn Greve 4.

 

Skrifa­ 8. september, 2014
mg