North Atlantic æfingabúðirnar hefjast í dag

Æfingabúðir fyrir afreksspilara í badminton U13 til U17 hefjast í dag, sunnudaginn 10. ágúst, í Þórshöfn í Færeyjum og standa til 16. ágúst.

Íslensku þátttakendurnir eru Andrea Nilsdóttir TBR, Andri Snær Axelsson ÍA, Atli Tómasson TBR, Elvar Már Sturlaugsson ÍA, Gústav Nilsson TBR, Haukur Gylfi Gíslason Samherjum, Katrín Eva Einarsdóttir ÍA og Margrét Nilsdóttir TBR.

Æfingar eru að jafnaði þrisvar á dag og á milli þeirra er nóg af afþreyingu. Einn dag verður farið í ferð í skoðunarferð.

Búðunum lýkur með móti fyrir þátttakendur búðanna auk nokkurra annarra badmintonspilara.

Meðfram æfingabúðunum er þjálfaranámskeið sem Irena Rut Jónsdóttir ÍA og Þorkell Ingi Eriksson TBR sitja ásamt þjálfurum frá Færeyjum og Grænlandi. Yfirþjálfari búðanna er James Barclay frá Englandi.

Skrifað 10. ágúst, 2014
mg