Frímann Ari og Helgi ráđnir landsliđsţjálfarar í badminton

Badmintonsamband Íslands hefur ráðið til starfa tvo landsliðsþjálfara sem taka nú þegar við þjálfun landsliða í badminton. Frímann Ari Ferdinandsson mun sjá um þjálfun A-landsliðsins og Helgi Jóhannesson mun sjá um þjálfun unglingalandsliðanna.

Frímann Ari Ferdinandsson er íþróttafræðingur að mennt og hefur lokið ýmsum þjálfaranámskeiðum í badminton. Hann hefur komið að þjálfun í badminton síðan 1990 og m.a. verið unglingalandsliðsþjálfari og aðstoðarlandsliðsþjálfari. Þá hefur hann sinnt fræðslumálum fyrir BSÍ um árabil.

 

Helgi Jóhannesson tekur við unglingalandsliðum

 

Helgi Jóhannesson hefur orðið fimm sinnum Íslandsmeistari í einliðaleik, 10 sinnum í tvíliðaleik og tvisvar í tvenndarleik. Hann hefur tekið námskeið í þjálfun í badminton og sækir nú námskeið í Danmörku á sviði afreksþjálfunar. Helgi hefur starfað sem þjálfari undanfarin ár.

Badmintonsamband Íslands óskar Frímanni Ara og Helga til hamingju með stöðurnar.

 

Skrifađ 19. júlí, 2014
mg