┴rni ١r velur A-landsli­i­

Landsliðsþjálfarinn, Árni Þór Hallgrímsson, hefur valið landsliðið sem keppir á Evrópumóti kvenna og karla liða í Hollandi 10.-16.febrúar næstkomandi.

Í kvennaliðið voru valdar þær Katrín Atladóttir, Ragna Ingólfsdóttir, Sara Jónsdóttir og Tinna Helgadóttir. Allt eru þetta reynslumiklar landsliðskonur sem hafa verið í íslenska landsliðinu undanfarin ár. Katrín hefur alls leikið 16 landsleiki fyrir Íslands hönd, Ragna 36, Sara 34 og Tinna 15. Sara hefur tekið sér frí frá landsliðsverkefnum undanfarin misseri en er nú komin að fullum krafti inn aftur sem er mjög ánægjulegt enda um sterka badmintonkonu hér að ræða.

Í karlaliðið voru valdir þeir Atli Jóhannesson, Helgi Jóhannesson, Magnús Ingi Helgason og Tryggvi Nielsen. Atli er nú í þriðja sinn valinn í íslenska A-landsliðið í badminton en hann var einnig í liðinu þegar það sigraði á Evrópukeppni B-þjóða í Laugardalshöll í janúar 2007 og á Heimsmeistarakeppni landsliða síðastliðið sumar. Hann hefur því aðeins leikið tvo landsleiki fyrir Íslands hönd. Aðrir leikmenn karla liðsins eru töluvert reynslumeiri og hafa verið í landsliðinu um nokkurra ára skeið. Helgi hefur leikið 33 landsleiki fyrir Íslands hönd, Magnús Ingi 17 og Tryggvi 35.

Evrópumót kvenna og karla liða er mjög krefjandi mót fyrir íslenska landsliðið enda keppa þar allar bestu þjóðir Evrópu. Leikið er í riðlum og aðeins efsta liðið í hverjum riðli kemst áfram í útsláttarkeppni mótsins. Það verður að telja harla ólíklegt að íslensku liðin nái að sigra sína riðla en vonir eru bundnar við það að þau geti orðið í 2.-3.sæti í sínum riðlum. Smellið hér til að skoða pistil um möguleika íslensku liðanna sem birtur var hér á heimasíðunni 6.desember síðastliðin en þá var nýbúið að draga í mótið. Smellið hér til að skoða niðurröðun liða og tímasetningar keppninnar.

Skrifa­ 8. jan˙ar, 2008
ALS