U19 landsli­i­ Ý Italian Junior International

Í dag hófst Italian Junior International mótið sem U19 landslið Íslands tekur þátt í.

Í einliðaleik karla léku Daníel Jóhannesson og Helgi Grétar Gunnarsson. Daníel mætti Rowan Scheurkogel frá Belgíu og tapaði 15-21 og 14-21. Helgi Grétar mætti Brais Alves frá Spáni og tapaði 17-21 og 11-21.

Í einliðaleik kvenna lék Sara Högnadóttir á móti Sixtine Roy frá Belgíu. Sara vann örugglega 21-9 og 21-15. Í annarri umferð mætti Sara Ronja Stern frá Sviss. Sara tapaði 22-24 og 16-21. Sigríður Árnadóttir lék gegn Lidia Rainero frá Ítalíu og vann 21-18 og 21-18. Í annarri umferð mætti Sigríður Janine Lais og tapaði eftir oddalotu 21-19, 14-21 og -21. Margrét Finnbogadóttir mætti Anna Mikhalkova frá Úkraínu og tapaði naumlega eftir oddalotu 21-17, 11-21 og 19-21. Margrét Jóhannsdóttir mætti Lucrezia Boccasile frá Ítalíu og vann auðveldan sigur 21-6 og 21-10. Í annarri umferð mætti Margrét Camilla Taramelli frá Ítalíu og vann örugglega 21-6 og 21-10. Á morgun mætir Margrét í þriðju umferð Alida Chen frá Hollandi en Chen er raðað númer svö inn í greinina.

Í tvíliðaleik karla mættu Eiður Ísak Broddason og Helgi Grétar Gunnarsson Stijn De Langhe og Flor Spanhove sem var raðað númer fimm inn í greinina. Eiður Ísak og Helgi Grétar töpuðu13-21 og 13-21. Sigurður Sverrir Gunnarsson og Daníel Jóhannesson mættu Fran Galjer frá Króatíu og Dragoslav Petrovic frá Serbíu. Sigurður Sverrir og Daníel unnu eftir oddalotu 16-21, 21-17 og 21-15. Þeir mæta á morgun Pierrick Deschenaux og Joel König frá Sviss en þeim er raðað númer tvö inn í greinina.

Í tvíliðaleik kvenna mættu Sara Högnadóttir og Margrét Jóhannsdóttir Thea Johansen og Hege Rikheim frá Noregi og unnu 21-7 og 21-14. Þær mæta á morgun í annarri umferð Clara Azurmendi og Isabel Fernandez frá Spáni sem er raðað númer þrjú til fjögur inn i greinina. Margrét Finnbogadóttir og Sigríður Árnadóttir mættu Virginie Lousberg og Sixtine Roy frá Belgíu og unnu eftir oddalotu 21-11, 19-21 og 21-6. Þær mæta á morgun í annarri umferð Katarina Beton og Ana Marija Setina frá Slóveníu sem er raðað númer þrjú til fjögur inn í greinina.

Í tvenndarleik léku Sigurður Sverrir Gunnarsson og Margrét Jóhannsdóttir gegn Sean Vendy og Lydia Powell frá Englandi og töpuðu 15-21 og 19-21. Eiður Ísak Broddason og Margrét Finnbogadóttir kepptu í fyrstu umferð gegn Matteo Bellucci og Giulia Fiorito frá Ítalíu og unnu eftir oddalotu 21-17, 19-21 og 21-12. Í annarri umferð mættu þau Christoph Muhri og Nina Sorger frá Austurríki og unnu þau 21-15 og 21-14. Þau keppa í þriðju umferð á morgun. Daníel Jóhannesson og Sigríður Árnadóttir kepptu við Filip Budzel og Ivana Zychova frá Tékklandi og unnu 21-18 og 21-14. Þau duttu út í annarri umferð þegar þau mættu ítalska parinu Lukas Osele og Karin Maran en leikurinn fór í oddalotu og endaði með sigri þeirra ítölsku 21-16, 17-21 og 21-16. Helgi Grétar Gunnarsson og Sara Högnadóttir sátu hjá í fyrstu umferð og mættu í annarri Matthew Widdicombe og Jessica Hopton frá Englandi. Helgi Grétar og Sara töpuðu 9-21 og 19-21.

Smellið hér til að sjá úrslit Italian Junior International.

Skrifa­ 29. mars, 2014
mg