Íslandsmót unglinga er um helgina

Íslandsmót unglinga verður í TBR húsunum við Gnoðarvog um helgina. TBR heldur mótið þetta árið í samstarfi við Badmintonsamband Íslands.

Mótið hefst á laugardaginn, 8. mars, klukkan 9 með leikjum í fyrstu umferð í tvenndarleik í flokkum U13, U15 og U17 . Spilað verður fram í undanúrslit á laugardaginn en áætluð lok dagsins er um klukkan 17.

Keppendur eru 173 talsins frá 11 félögum, Aftureldingu, BH, Hamri, ÍA, Keflavík, KR, Samherjum, TBR, TBS, UMFS og UMF Þór. Spilaðir verða 356 leikir um helgina.

Mótsstjóri er Róbert Henn og mótsstjórn skipa Árni Gestur Sigfússon, Haraldur Sigfússon, Margrét Gunnarsdóttir, Sigfús Ægir Árnason og Þorkell Ingi Eriksson.

Á sunnudeginum hefst keppni klukkan 9 með undanúrslitaleikjum í einliðaleik. Flokkur U11 hefur keppni um leið og úrslitaleikir hefjast, klukkan 12:30. Áætluð mótslok eru klukkan 16.

Smellið hér til að sjá niðurröðun og tímasetningar mótsins.

Athugið að tímasetningar geta breyst og mótið verður keyrt áfram eins og hægt er.

Prúðasta liðið fær bikar í lok mótsins.

Skrifað 5. mars, 2014
mg