Täby burstaði Västerås 7-0

Täby, lið Snjólaugar Jóhannsdóttur í sænsku deildinni, burstaði Västerås BMF 7-0 í gærkvöldi í þrettándu umferð deildarinnar.

Snjólaug lék tvíliðaleik kvenna fyrir lið sitt í þessari viðureign. Hún spilaði með Amanda Andrén en þær unnu Denise Shen og Hanna Beskow 21-17 og 21-12.

Smellið hér til að sjá úrslit viðureignar Täby og Västerås BMF.

Eftir þessa þrettándu umferð úrvalsdeildarinnar er Täby áfram í fimmta sæti deildarinnar. Smellið hér til að sjá stöðuna í sænsku deildinni.

Næsti leikur Täby er þriðjudaginn 4. mars gegn Malmö BMK, sem er í fyrsta sæti deildarinnar.

Skrifað 19. febrúar, 2014
mg