Meistaramót TBR er um helgina

Meistaramót TBR verður haldið um helgina. Mótið er hluti af Dominosmótaröð Badmintonsambands Íslands og gefur stig á styrkleikalista BSÍ.

Keppendur verða 108 talsins frá sjö félögum, Aftureldingu, BH, ÍA, KR, TBR, UMF Skallagrími og Víkingi. Einn Svíi tekur þátt í mótinu, Mathias Englund, en hann keppir í A-flokki.

Keppt verður í A-, B- og Meistaraflokki. Keppt verður í riðlum í einliðaleik og vinningshafar riðlanna spila síðan til úrslita í útsláttarkeppni. Keppt verður í útsláttarkeppni í tvíliðaleik og tvenndarleik í öllum flokkum.

Mótið verður haldið í TBR húsunum við Gnoðarvog og hefst klukkan 10 á laugardaginn.

Smellið hér til að sjá niðurröðun og tímasetningar á mótinu.

Skrifað 2. janúar, 2014
mg