Kári og Tinna eru badmintonfólk ársins

Stjórn Badmintonsambands Íslands hefur valið Kára Gunnarsson og Tinnu Helgadóttur badmintonfólk ársins 2013. Tinna og Kári fá viðurkenningu frá Íþrótta- og Ólympíusambandi Íslands laugardaginn 28. desember ásamt íþróttafólki annarra íþróttagreina. Við sama tækifæri munu Samtök Íþróttafréttamanna krýna Íþróttamann ársins.

Kári Gunnarsson Íslandsmeistari í einliðaleik 2013Tinna Helgadóttir Íslandsmeistari í einliðaleik 2013

Kári og Tinna urðu bæði Íslandsmeistarar í einliðaleik á árinu 2013 auk þess sem Tinna varð einnig Íslandsmeistari í tvenndarleik ásamt bróður sínum, Magnúsi Inga, og það í sjötta skipti.

Eftirfarandi er stutt ágrip á helstu afrekum badmintonfólks ársins 2013.

Badmintonmaður ársins 2013 - Kári Gunnarsson f. 11. janúar 1991

Badmintonmaður ársins 2013 er Kári Gunnarsson úr Tennis- og badmintonfélagi Reykjavíkur og Københavns Badminton Klub.

Kári Gunnarsson er Íslandsmeistari í einliðaleik annað árið í röð en Kári er búsettur í Danmörku og kom til landsins til að keppa á þessu eina móti, Meistaramóti Íslands. Að auki hefur hann keppt hérlendis á TBR Opið og Meistaramóti TBR á árinu og unnið þau bæði. Þeir Atli Jóhannesson unnu einnig tvíliðaleik karla á TBR Opið.

 

Kári Gunnarsson badmintonmaður ársins 2013

 

Kári er í A-landsliðinu í badminton. Hann keppti með landsliðinu fyrir Íslands hönd í Evrópukeppni landsliða í Rússlandi í febrúar. Hann hefur verið í unglingalandsliðum Íslands á undanförnum árum og spilaði fyrst með A-landsliðinu árið 2010, þá aðeins 19 ára gamall.

Kári stóð sig best allra íslensku keppendanna í einliðaleik karla á Iceland International mótinu í nóvember 2012 en mótið gefur stig á heimslista og er innan mótaraðar Badminton Europe. Þar komst hann í átta manna úrslit og vann meðal annars þriðja hæsta Kóreumann á heimslista, Park Sung Min en sá fékk aðra röðun á heimsmeistaramóti unglinga 2008. 

Badmintonkona ársins 2013 - Tinna Helgadóttir f. 25. apríl 1984

 

Badmintonkona ársins 2013 er Tinna Helgadóttir úr Tennis- og badmintonfélagi Reykjavíkur og Værløse í Danmörku.

Tinna varð tvöfaldur Íslandsmeistari í badminton á árinu 2013, í einliðaleik og tvíliðaleik með bróður sínum, Magnúsi Inga Helgasyni. Þetta er annar Íslandsmeistaratitill Tinnu í einliðaleik en síðast hampaði hún titlinum árið 2009. Hún hefur orðið sex sinnum Íslandsmeistari í tvenndarleik, árið 2005, 2008-2011 og 2013. Tinna keppti á einu öðru móti á Íslandi á árinu, Meistaramóti TBR. Þar keppti hún í tvíliðaleik og tvenndarleik og vann báðar greinar ásamt meðspilurum sínum.
 
Tinna Helgadóttir badmintonkona ársins 2013
 
 
Tinna hefur spilað með danka liðinu Værløse á þessu ári. Hún er í aðalliði Værløse og hefur spilað með og á móti mörkum sterkustu badmintonspilurum heims en Værløse spilar í dönsku úrvalsdeildinni. Tinna er í A-landsliðinu í badminton. Hún hefur keppt með landsliðinu fyrir Íslands hönd um árabil og var þar áður í unglingalandsliðum Íslands.
Skrifađ 12. desember, 2013
mg