Ăfingab˙­ir fyrir FŠreyinga, GrŠnlendinga og ═slendinga a­ hefjast

Æfingabúðir fyrir afreksspilara í badminton U13 til U17 hefjast í dag, mánudaginn 22. júlí, á Akranesi og standa til 29. júlí.

Íslensku þátttakendurnir eru Andrea Nilsdóttir TBR, Andri Snær Axelsson ÍA, Erna Katrín Pétursdóttir TBR, Daníel Ísak Steinarsson BH, Davíð Örn Harðarson ÍA, Harpa Hilmisdóttir UMFS, Róbert Ingi Huldarsson BH og Þórunn Eylands TBR.

Æfingar eru þrisvar á dag og á milli þeirra er nóg af afþreyingu. Einn dag verður farið í ferð í Borgarfjörðinn. 

Búðunum lýkur með móti fyrir þátttakendur búðanna auk nokkurra annarra badmintonspilara.

Meðfram æfingabúðunum er þjálfaranámskeið sem Helgi Jóhannesson situr ásamt þjálfurum frá Færeyjum og Grænlandi. Yfirþjálfari búðanna er Anders Thomsen frá Danmörku.

Badmintonfélag Akraness heldur æfingabúðirnar í samstarfi við Badmintonsamband Íslands.

Skrifa­ 22. j˙lÝ, 2013
mg