Meistaramót Íslands - fyrsti dagur

Meistaramót Íslands í badminton hófst í dag í íþróttahúsinu við Strandgötu í Hafnarfirði. Keppni hófst á tvenndarleikjum í meistaraflokki og síðan hófust leikir í einliðaleik í meistara-, A og B flokki. Hart hefur verið barist í leikjum dagsins og margir skemmtilegir leikir farið fram. Það bar helst til tíðinda að Ragnar Harðarson tapaði fyrir Stefáni Ás Ingvarssyni í tveimur lotum en Ragnari er raðað númer 4 í mótið. Þá áttust Egill Guðlaugsson og Róbert Þór Henn við í einliðaleik karla í einum af skemmtilegri leikjum dagsins sem endaði með sigri Egils 18 - 21, 21 - 16 og 27 - 25 þar sem báðir spilarar skiptust á að leiða og áttu báðir möguleika á að tryggja sér sigur í oddalotunni.

Á morgun verður leikið í 8 manna úrslitum í öllum flokkum en þeir sem eru áfram í einliðaleik í meistaraflokki eru Egill Guðlaugsson, Kári Gunnarsson, Magnús Helgason, Atli Jóhannesson, Stefán Ás Ingvarsson, Birkir Steinn Erlingsson, Bjarki Stefánsson og Heiðar Sigurjónsson. 

Í 8 manna úrslitum í einliðaleik í meistaraflokki kvenna leika á morgun Tinna Helgadóttir, Rakel Jóhannesdóttir, Sunna Ösp Runólfsdóttir, Elín Þóra Elíasdóttir, Snjólaug Jóhannsdóttir, Karitas Ósk Ólafsdóttir, Þorbjörg Kristinsdóttir og Margrét Jóhannsdóttir.

Mótið heldur áfram til kl. 22:00 í kvöld. 

Keppni hefst í fyrramálið kl. 9 með leikjum í tvíliðaleik í B-flokki. 

Skrifað 12. apríl, 2013
SGB