Hiller°d bursta­i abc Aalborg

Hillerød, lið Magnúsar Inga Helgasonar í dönsku deildinni, burstaði abc Aalborg í gær 12-1.

Magnús Ingi spilaði tvo leiki fyrir lið sitt, einliðaleik og tvíliðaleik, og vann báða.

Einliðaleikinn spilaði hann gegn Simon Nøhr Pedersen á fjórða velli. Magnús vann leikinn örugglega 21-9 og 21-11.

Tvíliðaleikinn spilaði hann með Mads Jørgensen gegn Rasmus Skjølstrup og Simon Nøhr Pedersen. Magnús og Pedersen unnu 21-15 og 21-7.

Smellið hér til að sjá fleiri úrslit í leiknum.

Eftir leikinn er Hillerød í ennþá sjötta sæti milliriðilsins með átta stig, jafnmörg og Holte sem er í fimmta sæti. Skovbakken er með níu stig og er ekki í fallsæti eins og staðan er núna. Í riðlinum er spilað um hvaða lið falla í þriðju deild en fjögur lið halda sér uppi í annarri deild. Smellið hér til að sjá stöðu milliriðilsins.

Ein umferð er eftir í riðlinum og næsti leikur er laugardaginn 23. mars gegn Team Fredericia (N) sem er í sjöunda sæti riðilsins með tvö stig.

Skrifa­ 11. mars, 2013
mg