Meistaramót BH er um helgina

Meistaramót BH fer fram í Íþróttahúsinu við Strandgötu um helgina.  Keppt er í meistara-, A- og B-flokki og mótið er hluti af stjörnumótaröð Badmintonsambandsins og gefur stig á styrkleikalista. 

Keppendur eru 90 frá sjö félögum, Aftureldingu, BH, Hamri, ÍA, Samherja. TBR og UMFS. 

Á föstudeginum er keppt frá 18 til 22 í einliðaleik. Í meistaraflokki er keppt í riðlum í einliðaleik en í A- og B-flokki er útsláttarkeppni í einliðaleik. 

Á laugardeginum verður keppt frá 10 til 17 en þá verður leikið fram í undanúrslit í öllum greinum og flokkum. Keppt er í útsláttarkeppni í tvíliða- og tvenndarleik í meistaraflokki en í riðlum í A- og B-flokki.

Undanúrslitin hefjast á sunnudaginn klukkan 10 og úrslit klukkan 12.  Áætluð mótslok eru klukkan 15. 

Smellið hér til að sjá niðurröðun og tímasetningar á mótinu.

Skrifađ 6. mars, 2013
mg