Óskarsmót KR er á morgun, þriðjudag

Óskarsmót KR, tvíliða- og tvenndarleikshluti, er á morgun í KR heimilinu við Frostaskjól. Einliðaleikshluti mótsins var haldinn fyrir áramót.

Mótið er hluti af stjörnumótaröð Badmintonsambandsins og gefur stig á styrkleikalista.

Keppendur eru 52 talsins frá sex félögum, Aftureldingu, BH, ÍA, KR, TBR og UMF Skallagrími.

Leikið verður í meistaraflokki, A- og B-flokki en leikirnir verða 32 talsins.

Mótið hefst klukkan 17:30 og búast má við að því ljúki um klukkan 22:30.

Smellið hér til að sjá niðurröðun og tímasetningar á Óskarsmóti KR.

Skrifað 18. febrúar, 2013
mg