Landsbankamót ÍA er um helgina

Landsbankamót ÍA verður um helgina í íþróttahúsinu við Vesturgötu á Akranesi. Mótið, sem hefst klukkan 10 á laugardag, er hluti af Asicsmótaröð Badmintonsambands Íslands og gefur stig á styrkleikalista unglinga.

Leikið verður í öllum greinum í aldursflokkum U11 til U19.

Þátttakendur eru 120 talsins frá tíu félögum, Aftureldingu, BH, Hamri, ÍA, KR, Samherja, TBR, UDN, UMF Skallagrími og UMF Þór í Þorlákshöfn.

Flokkar U13 og U15 spila á laugardaginn til úrslita en flokkar U17 og U19 á sunnudaginn.

Smellið hér til að sjá niðurröðun og tímasetningar á mótinu.

Skrifað 13. febrúar, 2013
mg