Meistaramót TBR er um helgina

 Meistaramót TBR verður haldið um helgina. Mótið er innan  stjörnumótaraðar BSÍ og gefur stig á íslenska styrkleikalistanum.

Keppendur verða 98 talsins frá sjö félögum, Aftureldingu, BH, Hamri, ÍA, TBR, UMF Skallagrími og UMF Þór.

Keppt verður í A-, B- og Meistaraflokki. Keppt verður í riðlum í einliðaleik og vinningshafar riðlanna spila síðan til úrslita í útsláttarkeppni. Keppt verður í útsláttarkeppni í tvíliðaleik og tvenndarleik í öllum flokkum.

Mótið verður haldið í TBR húsunum við Gnoðarvog og hefst klukkan 10 á laugardaginn.

Smellið hér til að sjá niðurröðun og tímasetningar á mótinu.  

Skrifað 3. janúar, 2013
mg