Úrslit Unglingamóts Aftureldingar

Unglingamót Aftureldingar var haldið um helgina. Keppt var í öllum greinum í aldursflokkum U13 til U19. Mótið var hluti af Asicsmótaröð Badmintonsambands Íslands og gaf stig á styrkleikalista unglinga. Sigurvegarar á mótinu voru eftirtaldir:

Í flokki U13 sigraði Andri Snær Axelsson ÍA Daníel Ísak Steinarsson BH 21-8 og 21-7 í einliðaleik hnokka. Andrea Nilsdóttir TBR vann Þórunni Eylands TBR í einliðaleik táta 21-15 og 21-14. Í tvíliðaleik hnokka unnu Andri Snær Axelsson og Davíð Örn Harðarson ÍA Daníel Ísak Steinarsson og Þórð Skúlason BH eftir oddalotu 21-14, 15-21 og 21-9. Í tvíliðaleik táta unnu Andrea Nilsdóttir og Erna Katrín Pétursdóttir TBR Björk Orradóttur og Þórunni Eylands 21-8 og 21-14. Í tvenndarleik unnu Andri Snær og Harpa Kristný Sturlaugsdóttir ÍA Andra Broddason og Ernu Katrínu Pétursdóttur TBR 21-14 og 21-7. Andri Snær Axelsson vann því þrefalt á mótinu.

Í flokki U15 vann Steinar Bragi Gunnarsson ÍA Ormar Þór Harrason TBR 21-19 og 23-21 í einliðaleik sveina. Harpa Hilmisdóttir UMFS vann Margréti Dís Stefánsdóttur Aftureldingu 21-13 og 21-12 í einliðaleik meyja. Í tvíliðaleik sveina unnu Andri Árnason TBR og Steinar Bragi Gunnarsson ÍA Atla Tómasson og Ormar Þór Harrason TBR 21-12 og 21-11. Í tvíliðaleik meyja unnu Dalrós Jara Jóhannsdóttir og Úlfheiður Embla Ásgeirsdóttir ÍA Sylvíu Söru Sigurðardóttur og Þórunni Anný Ingimundardóttur Aftureldingu 21-11 og 21-15. Í tvenndarleik unnu Andri Árnason TBR og Margrét Dís Stefánsdóttir Aftureldingu þau Kjartan Örn Bogason og Þórunni Eylands TBR 21-10 og 21-9.

Í flokki U17 vann Davíð Phoung TBR Róbert Inga Huldarsson BH 21-12 og 21-14 í einliðaleik drengja. Alda Jónsdóttir TBR vann Línu Dóru Hannesdóttur TBR 21-11 og 21-6 í einliðaleik telpna. Í tvíliðaleik drengja unnu Davíð Bjarni Björnsson og Kristófer Darri Finnsson TBR Alexander Huang og Pálma Guðfinnsson TBR 21-17 og 21-13. Í tvíliðaleik telpna unnu Arna Karen Jóhannsdóttir og Margrét Dís Stefánsdóttir Aftureldingu Hörpu Hilmisdóttur og Línu Dóru Hannesdóttur TBR eftir oddalotu 21-11, 12-21 og 21-17. Í tvenndarleik unnu Pálmi Guðfinnsson og Lína Dóra Hannesdóttir TBR naumlega í oddalotu Davíð Bjarna Björnsson og Öldu Jónsdóttur TBR 21-19, 14-21 og 23-21.

Í flokki U19 vann Stefán Ás Ingvarsson TBR Kristófer Darra Finnsson 21-8 og 21-13 í einliðaleik pilta. Í einliðaleik stúlkna vann Margrét Jóhannsdóttir Söru Högnadóttur eftir oddalotu 18-21, 21-14 og 21-14. Í tvíliðaleik pilta unnu Daníel Jóhannesson og Thomas Þór Thomsen TBR Stefán Ás Ingvarsson og Stein Þorkelsson TBR naumlega 21-19 og 23-21. Í tvíliðaleik stúlkna unnu Margrét Jóhannsdóttir og Sara Högnadóttir TBR Jónu Hjartardóttur og Sigríði Árnadóttur TBR 21-13 og 21-11. Í tvenndarleik unnu Thomas Þór Thomsen og Margrét Jóhannsdóttir TBR Stefán Ás Ingvarsson og Söru Högnadóttur TBR 21-14 og 21-18. Margrét Jóhannsdóttir vann því þrefalt á mótinu.

Smellið hér til að sjá fleiri úrslit á Unglingamóti Aftureldingar.

Smellið hér til að sjá myndir frá mótinu.

Skrifað 26. nóvember, 2012
mg