Unglingamót Badmintondeildar Aftureldingar er um helgina

Unglingamót Aftureldingar verður um helgina í íþróttahúsinu að Varmá í Mosfellsbæ. Mótið hefst klukkan 10 á laugardag með leikjum í einliðaleik hnokka og táta í flokki U13 og í framhaldinu taka við einliðaleikir sveina í flokki U15.

Mótið er hluti af Asicsmótaröð Badmintonsambands Íslands og gefur stig á styrkleikalista unglinga.

Þátttakendur eru 123 talsins frá tíu félögum, Aftureldingu, BH, Hamri, ÍA, Keflavík, KR, Samherja, TBR, UMF Skallagrími og UMF Þór í Þorlákshöfn. Alls verða spilaðir 243 leikir á mótinu.

Smellið hér til að sjá niðurröðun og tímasetningar á mótinu.

Skrifað 23. nóvember, 2012
mg