Værløse beið í lægra haldi fyrir Aarhus

Værløse, lið Tinnu Helgadóttur í dönsku úrvalsdeildinni, tapaði leik sínum gegn Aarhus í sjöttu umferð dönsku deildarinnar 2-4.

Tinna spilaði tvíliðaleik með hinni frægu Tine Baun en þær biðu í lægra haldi fyrir Tine Høy og Line Kjærsfeldt sem hefur spilað á Iceland International. Tvíliðaleikurinn endaði með naumum sigri Høy og Kjærsfeldt eftir oddalotu 19-21, 21-19 og 21-18.

Værløse vann viðureignir í einliðaleik kvenna og tvenndarleik.

Smellið hér til að sjá fleiri úrslit í sjöttu umferð úrvalsdeildarinnar.

Eftir umferðina er Værløse áfram í fjórða sæti deildarinnar.

Smellið hér til að sjá stöðuna í deildinni.

Næsta viðureign Værløse er fimmtudaginn 29. nóvember gegn Lillerød.

Skrifað 14. nóvember, 2012
mg