ËvŠnt ˙rslit Ý einli­aleik karla Ý Evrˇpukeppninni

Engir Danir voru í úrslitum í einliðaleik karla í Evrópukeppninni sem má teljast óvænt en þrír Danir fengu efstu röðun fyrir mótið, Peter Gade, Jan O. Jörgensen og Hans-Kristian Vikkinghus. Í upphafi keppninnar var búist við að Gade myndi hampa sínum sjötta Evrópumeistaratitli. Marc Zwiebler frá Þýskalandi var raðað númer fjögur en hann kom, sá og sigraði og var krýndur Evrópumeistari í einliðaleik karla eftir að hafa sigrað Henri Hurskainen frá Svíþjóð í úrslitum 21-15 og 21-13. Zwiebler er í 16. sæti heimslistans.

Evrópumeistari í einliðaleik kvenna er Tine Baun frá Danmörku en henni var spáð sigri fyrir mótið. Hún vann Juliane Schenk frá Þýskalandi naumlega eftir oddalotu 21-19, 16-21 og 21-19.

Evrópumeistarar í tvíliðaleik karla eru Mathias Boe og Carsten Mogensen frá Danmörku en þeim var raðað númer eitt inn í flokkinn. Þeir unnu í úrslitum Þjóðverjana Michael Fuchs og Oliver Roth, sem var raðað númer sjö inn í flokkinn, 21-11 og 21-11.

Dönsku stúlkurnar Christinna Pedersen og Kamilla Rytter Juhl urðu Evrópumeistarar í tvíliðaleik kvenna eftir sigur á löndum sínum Line Damkjær Kruse og Marie Roepke 21-17 og 24-22.

Pólska parið Robert Mateusiak og Nadiezeda Zieba urðu Evrópumeistarar í tvenndarleik en þeim var raðað númer sjö inn í flokkinn. Þau unnu Danina Mads Pieler Kolding og Julie Houmann í úrslitum 21-12 og 24-22.

Smellið hér til að sjá fleiri úrslit í Evrópukeppni einstaklinga.

Skrifa­ 22. aprÝl, 2012
mg