Meistaramót Íslands hefst í dag

Í dag kl. 18:00 hefst keppni á Meistaramóti Íslands í badminton. Mótið fer fram í TBR húsunum við Gnoðarvog.

 Keppni dagsins hefst á einliðaleik í B-flokki en svo taka við umferðir í einliðaleik í A-flokki og keppni í meistaraflokki hefst svo kl. 18:50. Önnur umferð í einliðaleik í B-flokki hefst klukkan 19:15 og í Meistaraflokki klukkan 21:05. Áætlað er að keppni föstudagsins ljúki um kl. 21:30.

Í dag verða leiknir 40 leikir. Á meistaramótinu verða leiknir alls 201 leikur en 161 keppandi er skráður til leiks.

Á morgun, laugardag, hefst keppni klukkan 9:00.

Smellið hér til að skoða dagskrá dagsins og nánari tímasetningar einstakra leikja.

Skrifað 30. mars, 2012
mg