Deildakeppni BS═ - ni­urr÷­un

Deildakeppni BSÍ fer fram dagana 3. - 5. febrúar næstkomandi. Mótið er Íslandsmót liða í badminton þar sem keppt er í þremur deildum: Meistaradeild, A-deild og B-deild. Búið er að draga í mótið og má nálgast niðurröðun með því að smella hér.

Alls hafa 25 lið skráð sig til keppni í Deildakeppnina 2012 frá fimm félögum, Aftureldingu, BH, Einherja, ÍA og TBR. Í fyrra tóku einnig 22 lið þátt og árið þar á undan 23 þannig að keppnin heldur sig á svipuðu róli frá ári til árs.

Fyrirkomulagið í meistaradeildinni er þannig að sex lið keppa í riðli, allir við alla. Sigurliðið er Íslandsmeistari og keppir fyrir hönd Íslands í Evrópukeppni félagsliða.

Í A-deildinni eru skráð til keppni tíu lið sem dregin hafa verið í tvo fimm liða riðla. Efstu tvö liðin í hvorum riðli keppa í útsláttarkeppni um 1. - 4. sætið. Liðin sem lenda í þriðja sæti í riðlunum spila um 5. sætið, liðin í fjórða sæti í riðlunum spila um 7. sætið og liðin í fimmta sæti í riðlunum spila um 9.sætið.

Alls eru níu lið skráð til keppni í B-deildinni. Keppnisfyrirkomulag er þannig að leikið er í þremur þriggja liða riðlum. Efstu liðin í hverjum riðli fara síðan í úrslitariðil þar sem leikið er um 1. - 3 .sæti. Liðin í öðru sæti keppast um 4. - 6. og liðin í þriðja sæti riðlanna spila um 7. - 9. sætið.

Keppni hefst á föstudegi klukkan 17:40 í Meistaradeild og klukkan 19:30 í A-deild. Fyrirliðar þurfa að skila inn liðsuppstillingum til mótsstjórnar eigi síðar en klukkan 17:10.

B-deildin hefur keppni á laugardeginum klukkan 9:00. Almenn regla er sú að liðsuppstillingum þarf að skila í það minnsta 30 mínútum áður en umferð hefst nema liðin sem hefja leik að morgni, þau eiga að skila inn liðsuppstillingu kvöldið áður. Lið Deildakeppninnar 2012 þurfa sjálf að sjá um að telja eða útvega teljara á sína leiki.

Yfirdómari mótsins er Laufey Sigurðardóttir en aðrir í mótsstjórn eru María Skaftadóttir, Sigríður Bjarnadóttir og Margrét Gunnarsdóttir.

Niðurrröðun er birt með fyrirvara um villur. Mótsstjórn áskilur sér rétt til að gera lagfæringar ef þurfa þykir.

Smellið hér til að skoða nánari upplýsingar um Deildakeppni BSÍ.

Skrifa­ 31. jan˙ar, 2012
mg