Vinningshafar á Óskarsmóti KR

Fjórða mót Varðarmótaraðar BSÍ, Óskarsmót KR, var á laugardaginn. Mótið var einliðaleiksmót en tvíliða- og tvenndarleikshluti mótsins verður í lok janúar.

Í meistaraflokki hélt sigurganga Atla Jóhannessonar TBR áfram í einliðaleik karla en hann sigraði bróður sinn, Helga TBR, 21-5. Helgi gaf seinni lotuna.

Í einliðaleik kvenna hélt sigurganga Snjólaugar Jóhannsdóttur TBR áfram en hún sigraði systur sína, Margréti TBR, 21-15 og 21-13.

Í A-flokki sigraði Reynir Guðmundsson KR í einliðaleik karla. Hann vann Daníel Jóhannesson TBR 21-18 og 21-12.

Í einliðaleik kvenna sigraði Margrét Finnbogadóttir TBR Unni Björg Elíasdóttur TBR 21-19 og 21-9.

Helgi Grétar Gunnarsson ÍA sigraði í einliðaleik karla í B-flokki en hann vann einnig Atlamót ÍA um síðustu helgi. Hann vann Atla Þór Reynisson UMFH eftir oddalotu 21-17, 18-21 og 21-16.

Í einliðaleik kvenna vann Lína Dóra Hannedóttir TBR Margréti Nilsdóttur eftir oddalotu 23-25, 21-19 og 21-16.

Smellið hér til að sjá fleiri úrslit á Óskarsmóti KR.

Næsta mót á Varðarmótaröð BSÍ verður TBR Opið þann 29. október næstkomandi.

Skrifađ 16. oktober, 2011
mg