Ragna úr leik í Tékklandi

Ragna Ingólfsdóttir komst í átta manna úrslit á alþjóðlega tékkneska mótinu í gær en féll úr leik er hún tapaði fyrir Sashina Vignes Waran frá Frakklandi 9-21 og 12-21 nú í morgun.  Waran er í 56. sæti heimslistans en Ragna er í 66. sæti.  
 
Smellið hér til að sjá úrslit dagsins á alþjóðlega tékkneska mótinu.  
 
Ragna tekur næst þátt í hollenska opna mótinu sem er frá 11. til 16. október.  Það mót er gríðarlega sterkt, svokallað Grand Prix mót.  
 
Næstu vikur mun Ragna taka þátt í nokkrum mótum á leið sinni til að vinna sér þátttökurétt á Ólympíuleikunum í London næsta sumar.
Skrifađ 1. oktober, 2011
mg