Evrópumót U17 framundan

Næsta verkefni íslensku landsliðanna í badminton er Evrópumót leikmanna í flokknum U17. Evrópumótið verður haldið í Istanbul í Tyrklandi 24.-28. október næstkomandi.

Árni Þór landsliðsþjálfari velur væntanlegt landslið Íslands á næstu dögum. Reikna má með að fjórir strákar og fjórar stelpur verði valin.

Búið er að draga í mótið og skiptast þátttökuþjóðirnar 28 í 8 riðla. Íslenska liðið er í riðli með Austurríki, Slóveníu og Sviss. Mjög erfitt er að spá fyrir um hvernig íslenska liðinu muni ganga að etja kappi við þessar þrjár þjóðir því aldrei áður hefur U17 lið frá Íslandi tekið þátt í þessu móti. Badmintonsambandið er þó mjög bjartsýnt á að hópurinn sem valinn verður standi sig vel enda náði þessi aldursflokkur mjög góðum árangri á alþjóðlegu móti í Gautaborg í vor.

Niðurröðun mótsins má nálgast með því að smella hér. Einnig eru nánari upplýsingar um mótið á heimasíðu Badmintonsambands Tyrklands sem er framkvæmdaraðili fyrir hönd Evrópusambandsins, smellið hér til að skoða síðuna.

Skrifađ 26. september, 2007
ALS